《433下的牺牲者

《原创文章 欢迎转载 请列明出处 谢谢》-请支持蓝狮 Facebook专页-《433下的牺牲者 按此观看图片 .图片来源 : 90Min基斯甸臣可以话係由上任主帅干地一手一脚发挖出黎,至少意大利人阻止左佢永无止境既外借生涯,提供到一定既上阵机会比佢。可惜既係自新帅沙利接手蓝军后,唔再打返过去两季所用既三中坚阵式,而基斯甸臣个正选之位亦被大卫雷斯取而代之,令到佢开季至今上阵机会少之又少,球迷们绝对唔希望见到佢喺季尾因上阵机会不足而再一次离开。出身自家乡丹麦班霸邦比既基斯甸臣,14岁时就经已加盟车路士既青训系统,成为当时蓝军青年军梯队其中一员,同届队友当中更有苏兰基、艾巴咸、路夫斯捷克等人,依加咁睇番,其实应届年青球员既能力同质素可以话相当之高。直到丹麦人18岁果年,车路士决定让基斯甸臣外借吸取经验,将佢远送到德国与慕逊加柏签定为期两季既外借合约,希望能够喺适当既竞争压力以及出场机会下令球员一步步成长,结果得出既效果亦非常理想,基斯甸臣喺德甲既发挥相当得宜,更成为国内其中一位后防潜力新星。外借过后返回伦敦,干地选择将哩位年青人留下来,而基斯甸臣终于得到晋身车路士一队名单既机会,适逢大卫雷斯经常受伤患所困扰,引致佢好快得到常任正选位置,但在缺少竞争以及无左泰利哩啲具质素既老将「以老带新」既成长下,基斯甸臣喺场上既表现明显不在状态,各项赛事上都交唔出具说服力既表现,当然,球员亦十分年轻,需要时间吸收经验,喺成长过程中定必遇上唔少失误。而喺刚过去既世界盃我地睇得到,基斯甸臣喺防中位既表现似乎比起担任中坚时更加稳健,助攻助守,充份将佢喺串联方面既能力同传球视野都运用到出黎,去弥补做中坚时出现唔够硬净对抗性不足既情况喺度。当然,车路士经已有佐真奴担任哩个位置,似乎要基斯甸臣去做防中係一件唔现实既事,只係提供多一个选择比新帅沙利可以令佢更加灵活作战术安排同临场调动。如无意外基斯甸臣将会喺今晚既欧霸盃赛事中以正选姿态上阵,希望佢能够以亮眼既表现去触动沙利目光,从而换取更多上阵既机会。文章最后更新时间 : 20/09/2018 11:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持


相关推荐